Omwana ogu atungire obuhwezi oburimu; akagaari, ebitabo, ekaraamu hamwe n’enshaho ebimuhairwe aba Rotaract Club of Kagadi. Photos by Thomas Tumwebaze.

N’ebya Thomas Tumwebaze

KAGADI

Abazaire abaine abaana abaine oburema ahamibiri yaabo nibaraba omu bureemezi bwingi kukuza abaana abo ahabw’obutagira esente.

TV West ehikire omuka emwe ei omwana w'omwishiki ohikize emyaka 9 atakatandikire kushoma ahabw’oburema obwamuzingamize amaguru.

Omwana ogu atungire obuhwezi oburimu; akagaari, ebitabo, ekaraamu hamwe n’enshaho ebimuhairwe aba Rotaract Club of Kagadi.

Sarah Ategeka na Amos Talemwa, abatuura b’omu kyaro kya Kararire omu tauni kanso ya Muhorro omuri Kagadi nibo bazaire ba Angelate Kabahinda, 9 otakatandikire kushoma ahabw’okuzingama amaguru.

Omwana ogu atungire obuhwezi oburimu; akagaari, ebitabo, ekaraamu hamwe n’enshaho ebimuhairwe aba Rotaract Club of Kagadi.

Ategeka naagira ngu nka famire, bakaba bataine bushoboorozi bw'okutwara omwana waabo ah’eishomero ahabw’okubura esente z’okumugurira akagaari.

Bwanyima y'okushanga Kabahinda ari omuka kandi bataahi be bari ah'eishomero, aba Rotaract Club eya Kagadi beebembirwe na Purezidenti waabo, Nalubega Matilida Matovu bakacwamu kukwatiraho omwana ogu obwo barikumuheereza ebikwato ebirikubaasa kumubasiisa kuza ah'eishomero kandi akashoma. 

Nalubega naagira ngu eki bakozire kibaire kiri omunteekateeka zaabo omwaka ogu.

Omu Uganda, abaana barikwingana 2,027,148 nibo baine oburema aha mibiri yaabo kandi nibaingana Pacenti ya 5.82 ahari 100 bw’abaana omu eihanga.

#WestUpdates