Abaana 6 bafeeriire omu muriro omuri Wakiso.

N’ebya Omushaki weitu

WAKISO

Abaana mukaaga bafeeriire omu muriro ogukwatsirwe enju ei babaire barimu omuri Namulanda B, Kisubi omu disiturikiti eya Wakiso.

Pooriisi ya Entebbe obwa hati eriyo necondooza ekirugiirireho omuriro ogu ogukwatsire enju ya Bakita Ayang, enzaarwa ya South Sudan. 

Ekikorwa ky’obusaasi eki kibaireho nyomwebazyo ebiro 15/05/2024 omu kyaro ekya Namulanda B omuri Kisubi.

Luke Owoyesigyire, omuhwezi w’omugambirizi wa Pooriisi ahabwa Kampala n’emyanya egiheeriire naagira ngu okucondooza okwahikireho nikworeka ngu omuriro ogu gubaasa kuba gurugiriire aha binika y’amashanyarazi ei basigire omu muryango eri omu soketi y’amashanyarazi.

Owoyesigyire naagira ngu abaana 6 boona abafiire babaire bari ahagati y’emyaka 2-6.

#WestUpdates