Emotoka ya ambulance eibirwe kuruga Kibaale.

N’ebya Ambrose Niwagaba Katoto

KIBAALE

Pooriisi omu kyanga ekya Albertine eriyo necondooza nk’oku ambulance eibirwe kuruga omu disiturikiti eya Kibaale.

Nikigambwa ngu ambulance egi ehandiikirwe omu namba ya UBB 655K eriho EMESCO Health Centre IV eibirwe omu shaaha z’akasheeshe k’orwakashatu.

Okurugiirira aha mugambirizi wa Pooriisi ahabw’ekyanga ekya Albertine, Julius Hakiza- omuvugi wa ambulance egi, Andrew Kasangaki agyemereize omu maka ge bwanyima y’okushendekyereza omuhara kuza omu bus paaka ya Karuguza.

Beitu, okurugiirira ahari Hakiza, ahari shaaha nka 12 z’akasheeshe, omukazi wa Kasangaki ashangire ambulance etari aha mwanya ogu ebaire eyemeriibwe.

Naagira ngu Pooriisi eriyo nekora ekirikubasika kyona kuzoora emotoka egi nikwo kushaba abantu okumanyisa Pooriisi ahu baragireebe.

Ebi Hakiza abigambiire aha mbuga nkuru za Pooriisi y’ekyanga ekya Albertine omu rurembo orwa Hoima nyomwebazyo.

#WestUpdates