Minisita Balaam Barugahara kutwara enshonga y’orutindo rwa Katete owa Mukuru w’eihanga..(Photo by Aidan Bataringaya)

N’ebya Aidan Bataringaya

Mbarara City:

Minisita w’eihanga ow’enshonga z’abaana n’eminyeeto, Balaam Barugahara yaagira ngu naija kutwara enshonga y’orutindo rwa Katete owa Mukuru w’eihanga.

Ahabiro 28/5/2024, kanso y’orurembo rwa Mbarara ekakinga orutindo rwa Katete bwanyima y’okukura, amabaati gaakahika ahakubambuka n’embaho zikahendeka.

Orutindo rwa Katete oru kanso ya Mbarara yaakingire...(Photo by Aidan Bataringaya)

Eriizooba, minisita Barugahara yahika aharutindo oru ahi abatuura n’abavugi ba boda boda bamugambira oku babonabwine n’orutindo oru kandi minisita yabashaba okugumisiriza kandi naija kugitwara omu ofiisi ya minisita w’eby’entambura.

Minisita yabahaamiza ku arikwija kutwara enshonga y’orutindo oru omu ofiisi ya mukuru w’eihanga kandi akuratire na sente ezi Minisiture y’eby’enguuto yahaire orurembo okuhunduuza orutindo oru.

Abatuura nibetomboita ahabw'orutindo oru..(Photo by Aidan Bataringaya)

Mwine Mpaka ori omunyeishengyero wa Mbarara City South naagira ngu n’obu batungire obuhumbi 5.2 z’okukora orutindo oru omumwaka gw’eby’esente ogurikwija ogwa 204/2025, kanso y’orurembo eshemereire kuruhunduuza abantu bakaba nibarabaho.

Ogu hoona yaayoreka okukwatwaho ahabw’enkoresa mbi ya sente eri omu rurembo rwa Mbarara, ei atarikwija kwikiriza ahakukora orutindo oru.

#WestUpdates
#RadioWestAt25