Omugambirizi wa Pooriisi ahabw'ekyanga ekya Bushenyi empango, Martial Tumusiime..

N’ebya Bruno Mugizi

BUSHENYI

Pooriisi omu disiturikiti eya Bushenyi eriyo necondooza ekirugiirireho omuriro ogukwatsire fakitore y’ebitookye eyatandikirweho Purezidenti omuri Bushenyi eya PIBID.

Fakitore egi ekwatsirwe omuriro nyomwebazyo ebiro 04.09.2024 omuri Nyamushekyera, Central Divijoni omuri Bushenyi-Ishaka Munisiparite.

Omugambirizi wa Pooriisi ahabw’ekyanga ekya Bushenyi empango, Martial Tumusiime yahamya amakuru kandi naagira ngu eki kibaireho shaaha nka 11:30 z’akasheeshe.

Okurugiirira ahari Pooriisi, omuriro ogu ogutakamanyirwe oburugo bwago gutandikiire omu Park Yard ahi barikubiika ebintu bya kampuni ekirugiriiremu okwosya ebintu byona bikahinduka omuyonga.

Ebintu ebihiire birimu ebikwato eby'okukoresa kwitirira ebihingwa, Paayipu z’amaizi, amabaati n’ebindi.

Abakozi b’omu kampuni egi barahukire kuhika aha mwanya kuraaza omuriro beitu byaba ebyabusha ahabw’okuba gubaire gwakwatsire ebintu ebibaire biri aha mwanya ogwo.

Tumusiime naagira ngu okucondooza kuriyo nikugumizamu.

#WestUpdates