Hariho misa y’okushabira Paul K Bakyenga ahari Nyamitanga eriizooba

Hariho misa y’okushabira Paul K Bakyenga ahari Nyamitanga eriizooba

N’ebya Aidan Bataringaya

Eby’okutebeekanisa okuziika owabaireho Aakibiishopu wa Aakidayoosiisi ya Mbarara, Paul K Bakyenga biriyo nibigyenda omumaisho.

Nihaija kubaho misa y’okushabira omugyenzi eriizooba ahakereziya eya Nyamitanga shaaha 11:30 z’omwabazyo ogu kandi misa neza kwebemberwa Aakibiishopu Lambert Bainomugisha.

Omugambirizi wa dayoosiisi, Rev. Fr. Charles Lwanga Mutabaruka, yahaamya ngu omubiri gwa Bakyenga nigwija kureetwa omukereziya ya Nyamitanga aha Sunday ebiro 23/7/2023 kandi habeho misa ahari shaaha 5 z’akasheeshe.

Bakyenga akaba Aakibiishopu wa Mbarara kwiha ebiro 2/1/1999 ahi yaakoozire kuhitsya ebiro 25/4/2022 obu areekura omurimo ogu.

Owabaireho Aakibiishopu, Paul Bakyenga yafeera ahamyaka 79 akasheeshe aka ah’eirwariro erya Nsambya omuri Kampala, ahi abaire agiire kuraguriza.

#WestUpdates