Eishomero erya Kibona Vocational SS eritungire obuhwezi kuruga omu gavumenti. PHOTOs: Bruno Mugizi.

N’ebya Bruno Mugizi. 

BUSHENYI

Abaashomeire ah’eishomero erya Kibona Vocational SS eririkushangwa omu muruka gwa Kibona omu gomborora ya Kyabugimbi omu disiturikiti eya Bushenyi basiimire gavumenti ahabw’okuheereza eishomero eri obuhwezi.

Bamwe aha bashomiire ah'eishomero erya Kibona Vocational SS, omuri Kyabugimbi Bushenyi.

Eishomero eri rikatandikwaho abatuura omu mwaka gwa 2002 beitu obureeberezi bwa West Ankole bukaija bwaritwara.

Okusiima okubaire ah’eishomero aha Sande okubaire kukuriirwe Ven. Rev. Can. Yoramu Mwesigye - Ishe-abadiikoni w’obusabadiikoni bwa Kyabugimbi kubaire kugyendereire kurundaana esente z'okuhunduuza  ekyombeko ky’oburaaro bw’abeegi kandi shiringi miriyooni 10 nizo zirundainwe.

Okurugiirira ahari Mark Nuwahumuza, omwe aha baashomiire ah’eishomero eri, naagira ngu gavumenti neija kuhwera eishomero eri enshohoza ezirimu emishaara y'abashomesa hamwe n’okubombekyera ebyombeko ebiri aha mutindo.

Bamwe aha bashomiire ah'eishomero erya Kibona Vocational SS omuri Kyabugimbi. PHOTO: Bruno Mugizi.

Acleo Byamukama, orikukurira akakiiko k’abaashomire ah’eishomero eri agizire ngu okwombeka oburaaro nikwija kuhwera abeegi kukora gye omu kushoma kwabo.

#WestUpdates