Omukazi akwateirwe okwita omushaija we ahabwa Sh50,000- Rubirizi.

N’ebya Omushaki weitu

RUBIRIZI

Pooriisi omu disiturikiti eya Rubirizi ekwatsire omukazi w’emyaka 29 ahabw’okugambwa kuba aitsire omushaija we w’emyaka 30 ow’omu kyaro kya Katara omu muruka gwa Katara omugomborora ya Kicwamba omuri Rubirizi.

Martial Tumusiime, Omugambirizi wa Pooriisi ahabw’ekyanga ekya Bushenyi empango, nagamba nyakuteekateekwaho nka; Agnes Tusingwire, 29, omutuura wa Nyakagyezi omugomborora eya Katanda omuri Rubirizi kandi oitsirwe amanyirwe nka; Brian Twimukye, 30, omushuubuzi w’omu kyaro kya Ndaragi omugomborora eya Kakanju omu disiturikiti eya Bushenyi.

Pascal Mwesigye, omushuubuzi ohababire omushango ogu aha Pooriisi naagira ngu abakundaine bagizire obuteikirizana ahari shiringi 50,000 ezi nyakuteekateekwaho (omukazi) ayangire kugamba ahi aziihire.

Naagira ngu nyakuteekateekwaho ahabw’okutiina okuteerwa, akwatsire omuhoro ogubaire guri haihi n’ahi omushaija we abaire ashutami kandi omukunyurizana, aheendiire atemire omushaija we aha maraka, emikono n’okuguru kwe kwa bumosho.

Brian Twimukye airukangiziibwe ah’eirwariro erya Rugazi Health center IV ari omu mbeera mbi kandi afiire yaheza kuhikibwa ah’eirwariro eri. 

Martial Tumusiime naagira ngu okucondooza kuriyo nikugyenda omu maisho.

#WestUpdates