Omushaija bamucumitiire omu baara yaafa omuri Kassanda.

N’ebya Eddie Ssejjoba

KASSANDA

Omushaija bamucumitiire omusyo omu baara yaafa omu disiturikiti eya Kassanda.

Pooriisi ekwatsire omuntu omwe orikuteekateekwaho kandi eriyo nehiiga abandi bwanyima y’okurwanira omu baara ahi omuntu omwe acumitiirwe omusyo akafa.

Racheal Kawala, Omugambirizi wa Pooriisi ahabw’ekyanga ekya Wamala nagamba omugyenzi nka; Haruna Ssembatya, omutuura wa Kisolooza omu gomborora ya Kiganda. Okwatsirwe ni Sulaiman Ssebitooki.

Kawala naagira ngu eki kibaireho shaaha 9 gw’akasheeshe ka Sande obu guruupu y’abakyakaze ababaire bariyo nibakyakara ahari Great Lakes Hotel bagizire obuteikirizana na manegya w’ebaara.

Omugambirizi wa Pooriisi naagira ngu guruupu y’abakyakaze bagiire omu baara omu kiro ky’orwamukaaga ebiro 08.06.2024 kandi bagumiizemu barikukyakara kuhisya akasheeshe akakuratsireho.

Aba bagizireho obuteikirizana nikwo kurwana kandi Ssembatya (omugyenzi) agyerizeho kubaramura nikwo kuhendera arugyendiiremu.

Okurwana oku kugumizemu n’aheeru y’ebaara aha ruguuto orwa Manyogaseka ahi Ssembatya bamucumitsire omusyo aha maraka n’omu kifuba akafeeraho. 

Banyakuteekateekwaho abu amaziina gaabo gatagambwa basigire omutumbi gwa Ssembatya aha rubaju rw’enguuto nikwo kuburaho. Omwe aha bu arikukora nabo bamanyiiseho Pooriisi eizire ekayiha omutumbi aha rubaju rw’enguuto.

Kawala naagira ngu Pooriisi eriyo necondooza ekirugiirireho okurwana oku oteireho n’okuhiiga abandi abarikuteekateekwaho omu nshonga egi.

#WestUpdates
#RadioWestAt25