Omwana ogu naagambwa kuba yabuzire kuruga ahari nyina Kyarimpa Peace shaaha nka 11 z’omwabazyo ah’eirwariro erya Kiganda Health Centre IV obu abaire agiire kumusirikisa. Courtesy Photo.

N’ebya Omushaki weitu

KASSANDA

Pooriisi omu disiturikiti eya Kassanda bazoire omwana w’omwishiki w’okwezi kumwe otwire abuzire kuruga aharw’okubanza ebiro 16/10/2023.

Omwana ogu naagambwa kuba yabuzire kuruga ahari nyina Kyarimpa Peace shaaha nka 11 z’omwabazyo ah’eirwariro erya Kiganda Health Centre IV obu abaire agiire kumusirikisa. 

Omushango gw’okubura kw’omwana ogu guhababirwe aha Pooriisi ya Kassanda nikwo kutandika kumuhiiga. 

Racheal Kawala, Omugambirizi wa Pooriisi ahabw’ekyanga ekya Wamala naagira ngu bakwatsire Nankabirwa Esseza, 19, omutuura w’omu tauni kanso ya Kassanda omu disiturikiti eya Kassanda orikugambwa kuba ashangirwe n’omwana ogu.

Nayongyeraho ngu Nankabirwa akwatsirwe Orwakashatu ebiro 18/10/2023 aha Waybridge omu disiturikiti eya Mubende.

Kawala naagira ngu okucondooza okwahikireho nikworeka ngu Nankabirwa akabiiha omushaija we ngu aine enda kandi okwiba omwana ogu abaasa kuba abaire nayenda kumworeka ngu aziire.

Nankabirwa obwa hati akomiirwe aha Pooriisi enkuru eya Kassanda obwo okucondooza kurikugumizamu.

Kawala naagira ngu omwana ogu bamukwasize nyina bwanyima y’okumukyebera. 

Naagira ngu nibasiima buri muntu oteiremu amaani ge kureeba ngu omwana ogu yazoorwa.

#WestUpdates