Martial Tumusiime, Omugambirizi wa Pooriisi ahabw'ekyanga ekya Bushenyi empango.

N’ebya Bruno Mugizi

BUSHENYI

Pooriisi omuri Bushenyi eriyo necondooza nk’oku omwegi wa Uganda Technical College Bushenyi yafeera omuri butandu.

Butandu egi yaabaho omu kasheeshe k’eriizooba ahari shaaha nka 10 z’akasheeshe omu kyaro kya Kyeigombe omu gomborora ya Kyabugimbi omu disiturikiti eya Bushenyi.

Martial Tumusiime, Omugambirizi wa Pooriisi ahabw’ekyanga ekya Bushenyi empango yaahamya amakuru aga. 

Tumusiime yagamba omwegi owaafa nka: Jafferson Kabeza, 22, omwegi ah’eitendekyero erya Uganda Techncial College Bushenyi.

Nikigambwa ngu Kabeza owaaba naavuga emotoka ehandiikirwe omunamba ya UAU 626K Toyota Ipsum yamuremeerera nikwo kutaahira omu kyombeko akakitomera akafeeraho.

Tumusiime naagira ngu omutumbi gw’omugyenzi gwatwarwa ah’eirwariro erya Kyabugimbi Health Centre IV kukyeberwa obwo okucondooza kurikugyenda omu maisho.

#WestUpdates