Dominic Omollo, omwebembezi w’ediini y’ekishobobo eya 999 cult (Njiri Kalu) omu disiturikiti eya Namayingo akwateirwe okupinga puroguraamu ya gavumenti ey'okubara abantu. Photo by Doreen Musingo.

N’ebya Doreen Musingo

NAMAYINGO

Omushaija w’emyaka 65 akwatsirwe Pooriisi y’omu disiturikiti eya Namayingo akwatsirwe ahabw’okwanga kwetaba omuhururu erikugyenda omu maisho omu eihanga ey’okubara abantu n’ebintu byabo.

Dominic Omollo, omwebembezi w’ediini y’ekishobobo eya 999 cult (Njiri Kalu) omu gomborora eya Mutumba omu disiturikiti eya Namayingo akwateirwe omu muhigo ogukozirwe omuhwezi wa RDC wa disiturikiti egyo, Solomon Trevor Baleke kandi obwa hati ari omu kihome.

Okurugiirira ahari Baleke, Omollo ayangire kubarwa arikugira ngu ediini ye nehakanisa eky’okubara abantu ngu ahabw’okuba n’ekikorwa kya sitaane.

“Orikubara abantu ku ahikire omu maka ga Omollo, amugizire ngu okumubara n’ekikorwa kya sitaane kandi ngu ediini ye terikukwikiriza. Omollo ayongiireho ngu puroguraamu ya gavumenti ey’okubara erikugumizamu omu eihanga egyenderiire kuhayo abantu omu mikono ya sitaane,” Baleke arikushoborora.

N’obu abarikubara abantu bagyerizeho kumushoborera omugasho gwa puroguraamu egi, Omollo aremireho yayanga ngu batamubara.

Baleke nahamisiririza ngu omugasho gw’okubara abantu n’okwenda kuhwera gavumenti kumanya abantu abari omu eihanga n’oku yakubaasa kubateekatekyera gye omu bikwatiriine n’okubahisyaho obuheereza.

RDC ashoboriire ngu Omollo kwanga kuhandikwa kubaasa kureetera eihanga ritatunga mubaro gw’abantu b’enyini abari omu kyanga kye na munonga ab’amaka gye n’abakuratsi be.

Baleke nakyoreka ngu Omollo nayija kubarirwa kifuba omu kihome kandi naija n’okutwarwa omu kooti ajunaanwe ahabw’okutamba ikono puroguraamu ya gavumenti.

Baleke nakyoreka ngu yaheza kuteebwaho omushango, Omollo abaasa kukomwa ameezi 6 nainga okushashura omutango gwa shiringi 600,000 nari okuheebwa ebifubiro byombi.

#WestUpdates