Pooriisi egyemesereziibwe kuteera tiiyaagasi kubaasa kutaatanisa abantu baingi oteireho n’okuteera amasasi g’omu mwanya. Courtesy Photos.

N’ebya Charles Etukuri

KAMULI

Pooriisi neegira ngu eremiise oruteerane rwa Purezidenti w’ekigombe ekya National Unity Platform (NUP), Robert Kyagulanyi orikumanywa munonga nka Bobi Wine omuri Kamuli kandi abantu 10 abarikugambwa kuba bejumbiire omu kutaho oruteerane oru omubuhendo biragiro bakwatsirwe.

Omugambirizi wa Pooriisi ahabw’ekynga ekya Busoga North, Mike Kasadha aharwakashatu ebiro 22/05/2024 agizire ngu abantu 10 bakwatsirwe ahabw’okuhemba omuriro omu bantu oteireho nn’okutaho oruteerane rw’eby’obutegyeki omu buhenda biragiro.

Pooriisi egyemesereziibwe kuteera tiiyaagasi kubaasa kutaatanisa abantu baingi oteireho n’okuteera amasasi g’omu mwanya.

Kasadha naagira ngu omwaka oguhwaire, emirimo y’okukunga abantu omu NUP ekemerezibwamu ahabw’okwanga kukuratira ebiragiro ebyateirweho ekyaretsireho akavuyo omu bantu, okuteeganisa eby’entambura, abantu okufeerwa bizinesi zaabo, okushiisha ebintu by’abantu hamwe n’okuvuga kubi ekyarugiriiremu okufa n’okuhutaaza abantu n’ebindi bingi.

Okurugiirira ahari Kasadha, nk’oku abeebembezi b’ekigombe ekya NUP bagumizemu n’okukunga abantu hamwe n’okutaho okutambura kw’abantu baingi kuza Kampuli, omwebembezi waab0, Kyagulanyi, omwebembezi w’orubaju oruhakani omu Paramenti Joel Ssenyonyi, Omuny’ishengyero-kazi wa Kampala, Shamim Malende hamwe n’abantu ababaire banibareetaho akashashamaraho bakwatsirwe bataatanisibwa ahansharo ya disiturikiti eya Kamuli na Jinja nikwo kugarukayo bakataaha.

Kasadha asiimire abantu aborekire amaani omu kureetaho obusingye n’okwanga ebicwe by’okubareetaho akavuyo.

Pooriisi egyemesereziibwe kuteera tiiyaagasi kubaasa kutaatanisa abantu baingi oteireho n’okuteera amasasi g’omu mwanya.

Ab'eby'okwerinda barikugyezaho kutaatanisa abashagiki b'ekigombe ekya NUP omuri Kamuli ababaire nibenda kutaho oruteerane omu buhenda biragiro.

Aharwakashatu, arikurabira aha mukura gwe gwa X, Kyagulanyi agizire ngu obwire obu Pooriisi n’abamahe bateire tiiyagaasi n’amasasi g’omumwanya kubazibira kutaaha omu disiturikiti ya Kamuli, bakingire oruguuto oruhango orw’okuza Kamuli kumara eshaaha nyingi.

Ab’eby’obwerinda bahutiize abantu beitu n’abamwe babakwata. Kinkozire gye kureeba ngu n’obu ab’eby’okwerinda bagyerizeho kubateeganisa, abantu beity bagumire bahamire,” Kyagulanyi arikushoborora.

Aharwamukaaga rwa wiiki ehwaire, ekigombe ekya NUP kishohoize engyenderwaho ei baine kukuratira omu kutambura kwabo kw’eihanga ryona okubaire kuri okw’okutandikira omuro Kamuli.

Eriizooba, Orwakana, Kyagulanyi na tiimu ye n’abokuza omu disiturikiti eya Bugweri beitu tikikamanyirwe kurungi yaaba Pooriisi neza kubaikiriza kutaaho oruteerane rwabo.

#WestUpdates