Purezidenti Yoweri Museveni kuza omuri Kisoro kurondera akaruuru Rose Kabagyeni, okwatsire ebendera y'ekigombe kya NRM omu ka Kisoro. Courtesy Photo.

N’ebya Omushaki weitu

KISORO

Purezidenti Yoweri Museveni eriizooba Orwakabiri nateekateekwa omu disiturikiti ya Kisoro kurondera Rose Kabagyeni, okwatsire ebendera y’ekigombe kya NRM omu karuuru k’okugarukamu kutoorana Omuny’ishengyero-kazi wa Kisoro.

Entebe egi ekasigaramu busha bwanyima y’okufa kw’owabaire agirimu Sarah Mateke Nyirabashitsi omu kwezi kwa 9, 2024.

Abandi abetsimbireho omu karuuru aka barimu Salim Sultana owa NUP, Aisha Cyimpaye owa PPP, Juliet Musanase owa FDC, Mable Ingabire owa UPC hamwe na Grace Ngabirano Akifeza oteine kigombe kyona eki aiziiremu.

Nyomwebazyo, Purezidenti w’ekigombe ekya NUP Robert Kyagulanyi Ssentamu a.k.a Bobi Wine ashabire abantu ba Kisoro okushagika ekigombe kya NUP omu karuuru aka baaba nibenda kuganyirwa kihango omu gavumenti egi.

Kyagulanyi abaire narondera akaruuru Salim Sultana, okwatiire ekigombe kya NUP ebendera omu karuuru aka. Akyorekire ngu Kisoro efeereirwe emigisha mingi y’omugasho ahabw’okuremera aha kigombe kya NRM.

Akaruuru k’okugarukamu kutoorana Omuny’ishengyero-kazi wa Kisoro nikeija kuteerwa Orwakana rwa wiiki egi ebiro 14.11.2024.

#WestUpdates