Abeegi 4 ba Buganda Royal Institute bafeereire omuri butandu...Courtesy Photo

N’ebya John Masaba

Abeegi 4 ab’eitendekyero erya Buganda Royal Institute bafeereire omuri butandu, 2 bahutara ahanguuto eya Entebbe eizooba erya nyomwabazyo.

Abeegi aba babaire nibaza omumbaga ahari Katomi Beach omuri Garuga obu emotoka yaabo etomeraine na Fuso.

Butandu egi ebaireho nka shaaha 9:30 z’eihangwe ahagati y’emotoka eya Toyota Rumion namba UBH 582S na Fuso.

Michael Kananura, Omugambirizi wa pooriisi ey’ahanguuto naagira ngu emotoka y’abeegi eya Rumion eremirwe kutsiba nikwo kutomera Fuso ebaire eyemereire ahamuhanda epaakiremu soda.

Abatungire obuhuta batwairwe ah’eirwariro erya Kisubi kuragurirwa kandi emibiri y’abafiire etwairwe omukabafu ah’eirwariro erya Mulago.

#WestUpdates