Entumwa ya EU yaasiima Uganda ahabw’okureetaho obusingye

Entumwa ya EU yaasiima Uganda ahabw’okureetaho obusingye

N’ebya Charles Etukuri
 
Entumwa y’ekigombe ekya European Union omu Uganda, Jan Sadek yaasiima Uganda ahabw’okwehayo okureetaho obusingye, oburinzi n’obumwe omukyanga.

Sadek ebi yaabigamba omu rukiiko oru yaagiraho na minisita w’eby’okwerinda omumahe, Vincent Bamulangaki Ssempijja n’omuduumizi w’amahe, Gen. Wilson Mbadi ahakitebe kikuru kya minisiture y’eby’okwerinda omuri Mbuya.  

Sadek owaaba aine tiimu endiijo kuruga omu EU yaagambaho na Ssempijja hamwe na Mbadi ahamurimo gw’amahe ga UPDF omukyanga.

Minisita Ssempijja yaagira ngu minisiture ye n’amahe nibasiima obuhwezi obu ekitongore ky’amahanga ga Bungyereza barikuha amahe.

Sadek yaahayo okushasha kwe ahabw’okutahirirwa kw’amahe ga UPDF omuri Somalia okwezi okuhwaire n’abaserukare 54 abaitsirwe.

Orukiiko oru rwahikwamu entumwa ya Italy omu Uganda, Massimilliano Mazzanti, entumwa ya Ireland omu Uganda, Kevin Colgan, entumwa ya Germany omu Uganda, Matthias Schauer, owa France omu eihanga, Xavier Sticker, Guillaume Chartrain n’abandi bajwekyera kuruga Belgium na Denmark.

#WestUpdates