Ruteraho naagira ngu okutambura kuza Namugongo tikyorobi ahabw’okuba tutambwire kiromita zirikurenga 280 omu biro 10. PHOTOS by Alfred Ochwo.

N’ebya Alfred Ochwo

RDC wa Kagadi, Lillian Ruteraho ayebembiire abaramagi 126 kuza aha kijukizo ky’abajurizi abakuristaayo ahari Namugongo aha mikoro y’ekiro ky’abajurizi eriho ebiro 03.06.2024. Aba bamazire ebiro 10 omu muhanda.

Ruteraho orikushabira omukanisa ya Rwabashandura C.O.U omu bureeberezi bwa Ankolem naagira ngu orugyendo rwabo bakarutandikira ahakanisa ya St. James Cathedral Ruharo aha Sande kandi batambwire ebiro 10 kuhika Namugongo.

"Nshaziremu kutambura kuza Namugongo kworeka okwikiriza kwangye n’okusiima Ruhanga ahabw’okutooranwa kwangye nka RDC. Omu mwaka gwa 2022, nkaihwa ahabwa RDC wa Kagadi beitu bwanyima y’ameezi 9, Purezidenti akagaruka yantoorana nka RDC wa Rubanda na bwanyima naija natwarwa Kitagwenda ahi nayihirwe ndikugarurwa Kagadi nka RDC. N’ahabw’ekyo, nshaziremu kutambura kuza Namugongo kubaasa kusiima Ruhanga ahabw’omugisha ogu nyine,” Ruteraho arikushoborora ahabw’enki atambwire kuza Namugongo.

Ruteraho naagira ngu okutambura kuza Namugongo tikyorobi ahabw’okuba tutambwire kiromita zirikurenga 280 omu biro 10.

“Tikyorobi kutambura na sayizi yangye egi. Kibiire kitanguhi kwonka ahabw’okugira okwikiriza, mbaasize kutambura kuhika Namugongo.

“Tikyorobi kutambura na sayizi yangye egi. Kibiire kitanguhi kwonka ahabw’okugira okwikiriza, mbaasize kutambura kuhika Namugongo.

Omukutambura kweitu, tubaire nituraara ahansi y’emiti kandi tubonabona, nimpurira n’amaguru gangye gazimbire, Ruteraho arikugamba oku bahikire Namugongo. 

“Abantu babaire nibatambura bansiga kwonka mbire nyine kweshongorera Ruhanga wangye kumpwera nkabaasa kuhika Namugongo,” Ruteraho arikututebeza.

Ruteraho naagira ngu tihaine ahikihandikire ngu okutambura kuza Namugongo n’okw’abantu abooro. 

Ruteraho naagira ngu abantu baingi bapaakingire emotoka zaabo batambura baaza Namugongo.

Ninsiima Patrick Ruchwere obaire nagyezaho kureeba ngu tihaine muntu weena owasigara enyima,” Ruteraho arikwongyera kutushoborera.
Omuramagi w’emyaka 10.

Aha baramagi abu Ruteraho atambwire nabo, hariho omwana w’emyaka 10, Kevin Aijukire- omwegi w’ekibiina kya kashatu.

Patrick Ruchwere, obaire akuriire guruupu egi kuruga omu bureeberezi bwa Ankole, atugizire ngu ogu n’omurundi gwe gwa 10 kuramaga kuza Namugongo.

Ebyo bikiri bityo, Biishopu wa Dayosiisi ya Namirembe, Moses Banja nashaba abaikiriza b’omuri Kampala okwakiira gye abaramagi kuruga omu bicweka ebindi kandi babareeberere gye. 

Ebi abigambire obu abaire narambura ekijukizo ky’abajurizi abakuristaayo ahari Namugongo. 

Biishopu Banja nashaba abavugi b’ebiruka okuba abegyendesereza n’obujunanizibwa baaba nibavuga ahanguuto.

#WestUpdates