Pooriisi nehiiga omuvugi w’emotoka otomiire abavugi 2 ba boda.

N’ebya Charles Etukuri.

WAKISO

Pooriisi eriyo nehiiga omuvugi wa FUSO otomiire za piki n’ababaire nibatambuza ebigyere ahari Kawaala omuri Nansana Munisiparite omu disiturikiti eya Wakiso akaita abantu 2 n’abandi 8 bakatunga obuhuta.

Michael Kananura, Omugambirizi wa Pooriisi y’eby’ahanguuto naagira ngu butandu egi ebaireho shaaha nka 6:40 z’eihangwe kandi ebaire erimu emotoka ya Mitsubishi FUSO ehandiikirwe omu namba ya UAQ 539E ecwekire bureeki ekataahira omuri za piki 3 za Bajaj Boxer eza namba UFS 111, UEP 598K na UFU 872P hamwe n’abantu ababaire nibatambuza ebigyere.

Kananura naagira ngu omushaabazi hamwe n’obaire namuvuga aha piki bafiire kandi abahutiire barimu ababaire bari aha bigyere, abavugi ba boda hamwe n’abashaabazi ababaire bari aha piki.

Naagira ngu abahutiire bairukangiziibwe ah’eirwariro erya Mulago kukyeberwa kandi n’emitumbi etwirwe omu kabafu ahari Mulago kugikyebera. 

Emotoka naza piki ezibaire ziri omuri butandu egi zitwirwe aha Pooriisi ya Nabweru kuzishwijuma obwo okucondooza kurikugyenda omu maisho.

#WestUpdates