Abantu 26 bafeeriire omuri butandu omu biro 3.

N’ebya Stuart Yiga

Abantu 26 bafeereire omuri za butandu z’ahanguuto kuruga ebiro 30/12/2023 kuhisya ebiro 01/01/2024, Okurugiirira ahari Pooriisi.

Pooriisi y’eby’ahanguuto nabwo neegira ngu abantu 62 batungire obuhuta omu bwire nibwo bumwe.

Arikugambaho n’abanyamakuru aha kitebe kikuru kya Pooriisi omuri Naguru, Kampala eriizooba Orwakabiri ebiro 02/01/2024, Omugambirizi wa Pooriisi y’ebyahanguuto, Michael Kananura yaagira ngu abafeeriire omuri butandu harimu abavugi ba boda-boda 11, abashabaazi 4, abarikutambuza ebigyere 13, n’abandi.

Kananura nashaba abantu okwerinda okwambuka enguuto kuruga enyima y’emotoka. 

Nabashaba okugyezaho kureeba ngu batamburira omukono ogwa buryo, bakoresa za Zebra crossings, bayetantara okwiruka baaba nibambuka enguuto hamwe n’okwerinda okujwara emyenda erikwaka.

Kananura nayongyera arabura abavugi b’ebiruka okwerinda okuvuga siipidi erengire.

#WestUpdates